التعليقات على: طالب سعودي يرتكب 400 مخالفة بكلفة 356 ألف درهم

بواسطة: iLSuL6ana » طالب سعودي يرتكب 400 مخالفة بكلفة 356 ألف درهم

iLSuL6ana » طالب سعودي يرتكب 400 مخالفة بكلفة 356 ألف درهم — Tue, 16 Feb 2010 06:02:16 +0000

[...] via Dubai Session [...]

بواسطة: ba6ah

ba6ah — Mon, 15 Feb 2010 22:20:15 +0000

هذا ويانا فالجامعه الامريكية في دبي, وهو مب احسن من غيره من اصحاب السيارات بلوحات سعوديه .. كل موقف معاقين ولا رصيف عليه سياره سعوديه ( الارقام القديمه ) .. لا يدفعون سالك, ولا حق المواقف التابعه للبلديه , ولا ولا شي , ومحد يدفع غير المواطنين !!

بواسطة: ريـان

ريـان — Mon, 15 Feb 2010 20:54:54 +0000

الله يعينه
مجنون .. ولازم يراجع
سنتين وهالمبلغ !!
يعني معدل يوميا يخالف اتوقع

بواسطة: غريبة من الإمارات

غريبة من الإمارات — Mon, 15 Feb 2010 15:14:15 +0000

قبل يوم كانت المخالفه بال 200 درهم محد كان مهتم … كنا نتريا صندوق الرادار عشان نسوي حركة ال cheeeese ولا حركة ال V … ما كان في شي اسه رادع … بس الحين الحملات المرورية و التوعيه خاااصة التوعية من الناحية الدينيه و مخالفات ال 400 و ال 600 و ال 900 تردع الواحد .. بس. 356 ألف درهم وايد … شكله يدرس في المدينه الجامعيه
الله المستعان

بواسطة: عبدالعزيز الحمادي

عبدالعزيز الحمادي — Mon, 15 Feb 2010 11:16:28 +0000

أنا مع التشديد بالمخالفات قلباً وقالباً..
مب لأنه ما عليي مخلفات أبداً، بالعكس عليي مخالفات رادار ومخالفات على الحزام والمواقف وكمن مخالفة وفوقهن 8 نقاط سود بعد..
بس مع ذلك أنا أستاهل كل مخالفة حصلت عليها لأني صدق غلطان وأستاهل الخساير لأني ما إتبعت القانون وتجاهلته..

وحق شو نخلي الشرطي ينصحنا بدل ما يخالف؟!!
يا ما نصحونا بوسائل الإعلام وهددونا بالمخالفات وزودوا أسعارها حتى الواحد يرتدع ويتبع القانون صح

+بيزات المخالفات وين بتسير؟ بيد أحد غريب؟ إلا هي سايرة بيد الحكومة، وحكومتنا الحمدلله ما مقصرة علينا بشير..

بواسطة: علي العويس

علي العويس — Mon, 15 Feb 2010 10:41:50 +0000

خله يدفع، عيل أرواح الناس ببلاش، وين يتحرا عمره يسوق في السعودية؟ لبلاد هني مب فوضى! 400 مخالفة وما يرتدع؟! هذا خطر على الناس! والله جزاه و يستاهل ما ياه.

بواسطة: faris nabil

faris nabil — Mon, 15 Feb 2010 10:40:42 +0000

كلامك عدل يا سمسوم..الشرطة تخلت عن دورها التوعوي (من التوعية) و صارت اجراءاتها عقابية فقط و نازلين يخالفون بسبب أو بدون سبب و أسميها جباية أو أتاوة !

الأسبوع الماضي شرطي -الله يهديه- وقفني و بدون تفاهم أعطاني مخالفة ب 400 و عليهن 4 نقط زورا و بهتانا..لما قلت له طيب مخالفة و كتبتها ..النقط السودة ليش؟؟قالي موب عاجبنك سير المخفر!!!!

بواسطة: سمسوم منحرف

سمسوم منحرف — Mon, 15 Feb 2010 10:17:55 +0000

الصراحه جيمه المخالفات وايد مبالغين فيها

الرادار 600 وفوق ولما تدفع محد ينصحك الا بيدخلونك المحكمه

وحتى الحزام صار ب 400 درهم والشرطي يتخشش بين السيارات ويخالف وعند الحدايق !!!!

والرادارات في دبي خاشينها ورا الشير والشرطه مندس بين الشوارع بس علشان المخالفه

ياخي خالفني وقول انت غلطان مب بهاي الطريقه احسها سرقه لما اخالف انصحني

قولي السرعه مب زينه الحزام ضروري يمكن اسمع بنصيحتك بس بهاي الطريقه احسهم داخلين يحاربون الناس بالسيف

بواسطة: SAEED

SAEED — Mon, 15 Feb 2010 08:04:02 +0000

اتوقع ان سيارته تحمل لوحة رقم صادرة من المملكة لذلك ما كان يهتم بالمخالفات

بواسطة: Mr.Youke

Mr.Youke — Mon, 15 Feb 2010 07:17:14 +0000

الله يعينه الصراحه

والله غصصصه هالبيزات يدفعها ع المخالفات