أوبرا: الكويتيون يتصرفون كـ«باريس هيلتون»
الكويتيون مستاؤون مما قالته الاعلامية الاميركية الشهيرة اوبرا وينفري خلال برنامجها اخيرا بان المصريين هم من يبني مساكن الكويتيين، والهنود هم من يكنس شوارعهم، والفلبينيين يربون أولادهم، والاندونيسيون يحضرون طعامهم، والاميركيين يتولون الدفاع عنهم، بينما الكويتيون يتصرفون كـ«باريس هيلتون».[القبس]
والله اوبرا حطت ايدها على الجرح
ماجذبت وكلامها 100% صح واى واحد يزور الكويت من اول مره راح شوف اللى قالته , فما اعتقد ان الصج يزعل
والله مادري ليش الناس زعلانه؟ بعد كلامها صج! يعني تبون اوبرا تقول احنا الكويتيين عمال و خدم و نطبخ و نربي؟ و نجذب على العالم؟
وايد ناس اهني تاكل من خير الديره و تمش ايدها بالطوفه
لا مسؤوليه ولا تربيه ولا دوام مثل الاوادم. ريال و مرته يتمشون بالمجمع و الخادمه تمسك الياهل وراهم!
الظواهر هذه ليست مقتصرة على أهل الكويت فقط، ولا على مجتمعات الخليج فقط، والمصلحون الكويتيون والخليجيون مدركون لواقع مجتمعاتهم السلبي منها والإيجابي، وعلى ذلك فهم في غنى عن نصائح امرأة أمريكية ترعها دولتها أكبر نظام إجرامي عرفه التاريخ المعاصر “إسرائيل”! وفري نصائحك يا أوبرا وناقشي مشكلات أبناء جلدتك السود المضطهدين في أمريكا الذين طحنهم نظام الحياة المادي الرأسمالي، ولا عليك من مجتماعتنا، فـأهل مكة أدرى بشعابها.
آخر مرة راجعت الامور في الامارات فنحن غير مختلفين عنهم
أعتقد هناك احتلاف طفيف في مسئلة الحماية من امريكية الى اخرى
دول الخليج بشكل عام كلهم جذي ..
جنه عيب الشغل كل ما قلت شي قالو نحن نسوي جي!!!!
خل الهندي ولا البشكاره تسويه ..
اوبرا ناسيه انه الكويتيين عددهم قليل و فلوسهم كثيره، عكس الامريكان.. الحين الانسان يوم عنده خير ايحب ايدلع نفسه.. و هذا اللي مستوي في الدول الخليجيه.. هذا مب يعني انه نحن اتكاليين.. على الاقل نحن انساعد الاجانب من كل الجنسيات في تحسين معيشتهم، انشغلهم ونعطيهم حقهم ونوفر الهم السكن ….الخ
خلنا انكون واقعيين،، اوبرا ما عندها chef يطبخلها و personal assistance اترتب امور شغلها و housekeeper اترتب و اتنظف بيتها و driver ايوديها الشغل؟!! حلال عليها و حرام علينا… مقيوله، البقره ما تشوف ذيلها، اتشوف ذيل اختها.
شويه منطق يابنت الاوبرا
يعني اتخيلي الامريكان عددهم مليون
هل كيف !!!
تبينهم يشتغلون في كل الوظايف ويبنون بيوتهم !!!
بس النقطه الوحيده الصحيحه في كلامها واشوف ها الشي موجود في كل دول خليج
هي الخدامه اللي تربي الاولاد
فديـت الكويت ~
^_^