صور | دبي مول .. أكبر مراكز التسوق والترفيه في العالم

 صور جميلة من دبي مول الذي يعتبر أكثر مراكز التسوق والترفيه اجتذاباً للزوار على مستوى العالم بعد أن استقطب  أكثر من 54 مليون متسوق عام 2011. المركز يضم حاليا أكثر من 1200 متجر و160 مطعماً ومقهى.

 

 

 

تعليقات مستخدمي الفيسبوك

47 thoughts on “صور | دبي مول .. أكبر مراكز التسوق والترفيه في العالم

  1. محمد 24 سبتمبر, 2012 / 12:19 م

    الافنيوز في الكويت اكبر من دبي مول

  2. بوحميد 24 سبتمبر, 2012 / 1:49 م

    ههههه خير ان شاء الله …

    ياخوي محد قال شي بس .. بس معروف لحتى هاي اللحظة
    ومن الارقام العالمية الموجودة للحين بأن دبي مول أكبر مول فالعالم

    الله يحفظ لنا الأمارات وشيوخنا ويحفظ لنا الخليج بكبره وشيوخهم وجعلهم ذخر لبعض :)

  3. خالد 24 سبتمبر, 2012 / 3:25 م

    اي افنيو اي بطيخ! ايه چاب الي چاب!

  4. محمد 24 سبتمبر, 2012 / 4:32 م

    D: اقول بدال التفلسف روح قوقل و شوف معروف ان الافنيوز اكبر مجمع بالشرق الاوسط و ليلحين بس مرحلتين الي مخلصين و في بعد مرحلتين ، المرحله الثالثه تخلص شهر ١٢ المجمع في سوق ذهب و سوق على ألطريقه الشعبيه و سوق على ألطريقه الاوربيه و فندق و مسيد غير الجزء الي الحين مفتوح

  5. محمد 24 سبتمبر, 2012 / 4:34 م

    و الأرقام العالميه تشير حق المجمعات الي مخلص البناء منها :)

  6. الشمري 24 سبتمبر, 2012 / 4:56 م

    انزين ياخوي يامحمد الافنيوز اكبر مجمع فالشرق الاوسط ولاتزعل ولايطق لك عرق …. بس سؤال … مدخول المول السنوي يوصل ربع مدخول دبي مول ؟ او حتى من عدد السياح ؟ الله يرجك رجيتنا انت والافنيوز تقول انته اللي بانيه

  7. نجدي 24 سبتمبر, 2012 / 5:37 م

    معليش اخوي محمد

    دبي مول هو اكبر مول بالعالم (خارج الولايات المتحدة )

    انت نسيت او ما زرته

    لانه اربع ادوار . وغير سوق البحار وفندقين والثالث بالمستقبل

    دبي مبهره تشرف كل الخليجيين

  8. محمد 24 سبتمبر, 2012 / 6:21 م

    مادري منو الي قال ان المجمعات شي تفتخر في الدول و الافنيوز مملوك من قبل عائلة الشايع و رجال اعمال و اذا بتقيس حجم المجمع من عدد الطوابق في مجمع الحمره بالكويت ٦ طوابق و ٣٦٠ الي فاز بأحسن تصميم مجمع بالعالم ٢٠١١
    و هذا رابط يبين لكم ان كلامي صح
    http://ar.wikipedia.org/wiki/الأفنيوز
    اتمنى تقرونه يا ويكيبيديا الخليج يا الشمري و بوحميد
    نجدي : الفنادق ما تعتبر تابعه للمجمع
    و الحمد لله الي يقول باني الافنيوز ، عندنا ٣ سلاسل من المحلات بالخليج و الله منعم علينا الحمد لله

  9. محمد 24 سبتمبر, 2012 / 6:28 م

    و انا زائر دبي ٤ مرات ليلحين و ما اقول انه مو شي مبهر و حلو بس كلام الحق ينقال و الصج
    الصح الي قلته عشان الناس يعرفون العدل و صححت المعلومه
    الرد الي أشوفه يدل على شي من هل الاثنين حقد على الكويت بدون سبب او حبكم لديرتكم الي تبون كل شي فيها مميز
    اتمنى يكون الشي الثاني :)

  10. عائشه 24 سبتمبر, 2012 / 6:35 م

    يا ناس الموضوع مب مقارنه ولا شي .. السالفه ومافيه مسوين بحث ومن هالكلام عن دبي مول وعدد الزوار وعن عدد المحلات والمطاعم .. ليش الزعل والمقارنه! فالنهايه نشوف وايدين ناس من كل انحاء العالم يزورون المولات ومثل ما قال اخ بو حميد الله يحفظ لنا الخليج و شيوخ و ملوك الخليج وعلى راسنا كلهم !

  11. بوخليفه 24 سبتمبر, 2012 / 7:12 م

    من الويكيبيديا اكتب the Dubai mall

    Largest mall in the world with total area 1,124,000m2.[24]
    Worlds sixth largest mall with Gross Leasable Area (GLA) 350,000m2.[24]
    World’s largest acrylic panel (Aquarium) inside Dubai Mall, which is (32.88 m wide × 8.3 m high × 750 mm thick and weighing 245 tons).[24][25]
    World’s largest sweet shop “Candylicious” spanning over 10,000 sq ft (930 m2) inside Dubai Mall.[26][27]
    Dubai Mall records more than 5 million visitors in the month of March,2010 during the one-month Dubai Shopping Festival, setting an all-time record in visitor footfall[28]
    Dubai Mall has been named the best shopping experience on 29 April 2010 by Grazia Style Awards.[29]
    The Dubai Mall hosted a record 37 million visitors in its first year of operation in 2009,[5] and attracts more than 750,000 visitors every week.[7]
    The Dubai Mall hosted a record 47 million visitors in 2010, and broke the record of 37 million visitors received last year, an increase of 27 percent despite the economic crisis.[8]
    The Dubai Mall hosted a record 54 million visitors in 2011, and broke the record of 47 million visitors received last year, an increase of 15 percent.[9]
    In 2011, Dubai Mall becomes the world’s most-visited shopping and leisure destination, and attracted more than 54 million visitors thus surpassed 50.2 million visitors to New York City, the visitor numbers also surpass visitor arrivals to all landmark leisure destinations and theme parks in the world including Times Square, 39.2 million, Central Park 38 million, and Niagara Falls 22.5 million.[9]
    [edit]

  12. محمد لزروني 24 سبتمبر, 2012 / 7:32 م

    ي كلام الافنيوز مع احترامي للي كلف على روح في بنائه اروح المارينا احلى عنه بوايد

    دبي مول كسر راس وايد مولات و مجمعات و ثاني اخوي محمد انت شكلك غشيم الفنادق جزء من المجمعات ترى مثل فاستفيال ستي مكون من فندقين كبار و المجمع في الطابق الارضي و كبير بعد

  13. عيناوي 24 سبتمبر, 2012 / 7:33 م

    :)
    انشاء الله ماتتضاربون

    محمد دخلت ويكبيديا … وظاهر المول الافنيوز كبير
    ولكن فصفحه دبي مول
    http://ar.wikipedia.org/wiki/دبي_مول
    مكتوب اكبر مول فالعالم

    ويوم توصلون للمرحله الاخيره من الافنيوز وله الفيوز مالكم
    تكلم خخخخخ

  14. emarati 24 سبتمبر, 2012 / 7:40 م

    حبنا للكويت شرات حبنا للإمارات … و لا تفكر ابدا ان نحقد على هلنا … وما يزعلنا انه يكون عندكم اكبر مول فالشرق الأوسط … و الله شرف لنا .. الله يهداك يآآ معووووود ههه فديتكم الكويتيين

  15. محمد 24 سبتمبر, 2012 / 9:06 م

    مشكور اخوي emarati
    صفحة ويكيبيديا عن دبي مول لتقرير 2009 بعد ما دبي مول فتح اما الافنيوز ليلحين فيه مراحل تحت الإنشاء و ترى السالفة ما تسوى الي قاعد ينقال :) ثاني مره اقول بس حبيت اعدل المعلومه
    هذا فيديو للمرحله الثالثه فقط ، سوق على ألطريقه الأوربية و السوق الشعبي و سوق الذهب
    http://m.youtube.com/watch?v=-XUUaLrjKX4
    فيديو ثاني
    http://m.youtube.com/watch?feature=related&v=RlQJE4HH1z4

  16. test 25 سبتمبر, 2012 / 2:13 ص

    دبي مول أكبر مجمع في العالم بلا منازع .. والأفينيوز لا يقارن فيه بتاتاً وإثنيناتهم حلوين لكن يظل دبي مول الأفضل بسبب البنيه التحتيه الممتازه الموجوده في دبي.

    الله يحفظ الخليج.

    عبدالرحمن من الكويت

  17. سعيد 25 سبتمبر, 2012 / 5:56 ص

    الافينيوز اكبر مول فالشرق الاوسط .

    ودبي مول اكبر مول فالعالم

    هههه

  18. محمد 25 سبتمبر, 2012 / 6:27 ص

    الحمدلله و الشكر على نعمة العقل :)

  19. محمد 25 سبتمبر, 2012 / 6:30 ص

    لي هذي الدرجة الموضوع مهم يعني ؟
    بدال الكلام الفاضي اتمنى أتيب شي يدل على كلامك او ماله داعي نتكلم بالموضوع لانه ما يسوى و مو مهم منو اكبر ؛)

  20. إماراتي 25 سبتمبر, 2012 / 8:11 ص

    اللي اسمك محمد ومن قالك اساسا ان دبي مول مافيه توسعة قادمة ؟ لا يا حبيبي دبي مب بسهولة تنغلب روح اقرا الأخبار عن توسعة دبي مول وبتعرف مثل ما تقراها عن الافنيوز . دبي مول راح يبدون التوسعة فيه قريبا ومساحة التوسعة ( مليون قدم مربع ) . فلا تقارن مرة ثانية

  21. عمر 25 سبتمبر, 2012 / 9:17 ص

    دبي مول أكبر مول فالعالم من ناحية المساحة الاجمالية. و أكبر من الافيونز لكن مساحة. التأجير فالافنيوز أكبر من دبي مول التوضيح يعني

  22. محمد 25 سبتمبر, 2012 / 3:44 م

    O.O تتغلب بشنو ترى كله مجمع سويتوها قضية
    اذا انت تفتخر بمجمع و حضارة أسمنتيه و الأجانب بأنينها و مافي منها فايدة للدوله انا ما عندي هل شي و لو سمحت عدل أسلوبك اقول
    و للمره المليون انا قلت المعلومه العدله و مو لازم تصدق
    و لو سمحتوا سكروا الموضوع اذا دبي مول و الافنيوز ١٠٠٪ كل شي في من أفكار محلية بعدين نتناقش بالموضوع :)

  23. إماراتي 25 سبتمبر, 2012 / 3:53 م

    دبي مول فيه 1600 محل يعني ضعفين محلات الافينيوز كلها

  24. الشمري 25 سبتمبر, 2012 / 4:48 م

    اخ محمد بما انك فعال لهالدرجه وتحب الهذره ليش ماتسويلك موقع تسميه محمد سيشن وتكتب فيه ان الافنيوز اكبر مول فالعالم وانك صاحب سلاسل محلات ههههه يارجل انت لو عندك شغله تسويها ماكان حطيت مليون تعليق على موضوع بسيط … انا اقول اعقل وجابل اكل عيشك بارك الله فيك

  25. محمد 25 سبتمبر, 2012 / 5:55 م

    اتمنى تنطم :) انا قلت عندنا بمعنى العائله أبوي و عمامي انا طالب جامعي و صج ما عندي وقت لكلامك يا فيلسوف زمانك و ناس بس تحب تتكلم و ما تفهم شي و مثل ما قلتلك اذا وايد مهتم للموضوع
    الموضوع تافه ماله لزمه كل هل كلام انت عندك دبي مول خلاص شدخلك فيني ؟
    و اهل الكويت اهل خير مو حفاي
    تفاهه و ضيعت وقتي على الفاضي

  26. إماراتي 25 سبتمبر, 2012 / 7:19 م

    وأهل الإمارات الحمدالله ما عليهم قصور بخير ونعيم من فضل الله :)

  27. owayed 25 سبتمبر, 2012 / 8:05 م

    الافينيوز ثاني أكبر مول بعد دبي مول ومدخول مجمع الافينيوز أظن الثاني قبل جم شهور قريت أن مجمع الافينيوز استقطب ٣٩ مليون زائر في ٢٠١١ وللعلم مجمع الافينيوز أشهر مجمع في كويت وكل اهل كويت فيه لان مجمع كبير وسعوديين والاماراتيين ياكثرهم صار معلم سياحي هالمجمع مثل دبي مول

  28. Aylol 25 سبتمبر, 2012 / 10:20 م

    أحين تتضاربون على شو ؟
    هالمولات والمجمعات كلها للوافدين
    وإلا احن يا حسرة وين نروم نوصله في الزحمة
    والمشكلة أنه هنود دبي ما فيهم سنع شرات هنود العين
    الهندي ف العين يعرف قيمة المواطن ويحسب له حساب وهندي دبي يخطف ف الشارع طر بسيارته ولا عليه من حد، هذا ف الشارع اللي له قوانينه عاد تخيلو أنتو ف الأسواق
    كلهم فوق بعض ولا يحشمون حرمة ولا ياهل ولا عائلات

  29. Saher El Lail 26 سبتمبر, 2012 / 8:10 ص

    mohammed.AFENYOUZZZ.com
    l0o0o0o0ol
    :)

  30. عتيييج 26 سبتمبر, 2012 / 8:11 ص

    اخ محمد اي جامعه هاذي اللي انت فيها ؟ اشوفك 24 ساعه طايح فالموقع وتعلق ..ليكون جامعة حد من الاقارب بعد ؟ههه … اللي يضحكني وانا اشوف الردود انك في كل رد تكتب (انا ضيعت وقتي ) وانا مابي اناقش وانا وانا ….بس مع هذا كتبت خمسين رد … اقول روح ادرس وتخرج وتوظف ابرك لك ..واذا مالقيت وظيفه هات السي في في شواغر في دبي مول

  31. احمد 26 سبتمبر, 2012 / 10:59 ص

    بييييييييييييه هههه كل هل هواش على مجمع قلبوها حرب بعد
    ناس طلعت تربيها على دبي مول لووول الحين الرجال قال شي صححوا ليش الاسلوب هذا و الحسد و الحقد عليه انا لو مكانه ماكنت اقول شي عن روحي لانه الحسد و الحقد بالناس على كل شي
    على بالي عندكم سالفه ههههه

  32. ABDULLA 26 سبتمبر, 2012 / 3:14 م

    تاس فاضية و ماعندها شالفة الصراحه مضيعين وقتكم

  33. راشد 26 سبتمبر, 2012 / 4:04 م

    لا لا لا لا مو صج هالمحمد …
    ويع ويع ويع شنو هالاسلوب فالحجي
    صج هلاقه .. باين انه يغار من دبي واااااااايد

    فديت دبي و الكويت

  34. بوخليفه 26 سبتمبر, 2012 / 5:18 م

    الأخ محمد ، هدي أعصابك شوي … ما تفرق عندنا ترى اذا اكبر مول عندنا ولا عندكم كلنا إخوان في النهايه …

    لكن المشكلة انك تعطي معلومه غلط وتصر عليها … بسهوله تقدر تعرف انه معلومتك غلط …

    ابسط شي اكتب في الجوجل او اي محرك بحث ثاني the largest malls in the world وشوف القائمة اللي تطلع لك

    حتى لو فرضنا انه مساحة الأفنيوز الكليه ٩٠٠٠٠٠ متر مربع قبل التوسعة ، دبي مول قبل التوسعة ١٢٠٠٠٠٠ متر مربع

    حتى لو حسبتها بمساحات التأجير … مجموع المرحلتين الاولى والثانية للافنيوز ٢٣٠٠٠٠ متر مربع والمرحله الثالثة ٩٠٠٠٠ متر مربع بعده اقل عن مساحات التأجير في دبي مول حاليا ٣٥٠٠٠٠ متر مربع قبل التوسعة

    بس تدري … سويت دعايه حلوه للافنيوز … ان شاء الله اذا زرت الكويت في المستقبل لازم أشوفه

  35. داخل عرض 30 سبتمبر, 2012 / 1:16 ص

    أقول النور مول بالمدينة أكبر مول في العالم وأحلى مول كمان :)

    تحية لشباب الحجاز ولشباب المدينة خاصة

    تحيا اللقافة !

  36. بوسالم 30 سبتمبر, 2012 / 11:54 م

    يا جماعة النتيجة كم منو فاز دبي مول ولا الافنيوز

    الجمهور ينتظر النتيجة على أحر من جمر

  37. عذبة 7 أكتوبر, 2012 / 1:08 ص

    ليش كل الظرابة .. دبي مول اشهر من نار على علم .. و دبي مول تشفعله البنيه التحتية لامارة دبي
    وفديت اهل كويت لا تزعلون بس هذي احصائيات وارقام ما يبنا شي مت عندنا وبعدين هالافيتيو
    ماعمري سمعت عنه الا في مسلسلاتكم .. لو كان يضاهي جمالية دبي مول كان سمعنا وشفنا !!!
    وعن نفسي اموت فالكويت ويارب تكتبلي سفرة لهم لاني سمعت ان اجواءهم حلوة و ممتعة
    ودبي والكويت عينين ف راس والله لا اييب الخلاف بين عيال جابر و زايد

  38. كويتي 7 أكتوبر, 2012 / 8:05 ص

    الله يحفظ الإمارات وأهلها مقامها عندنا يفوق الوصف

  39. حرمولي 2 نوفمبر, 2012 / 9:27 م

    الامور طيبه وكلكم ع راسي لكن الحق ينقال ع مول دبي ماشي
    نرجوا السموحه والعذر من الجميع صدق يستاهل اكبر مول واحلى مووووول

  40. مجيد علي 11 فبراير, 2013 / 6:40 م

    يا عجبا منكم يا اخوان احين تتزاعلون على شنهو اكبر ومنهو اقوى ومنهو عنده فلوس

    أكثر مثل الأمام علي يوم سأل الجاهل قال للجاهل سلوني قبل ان تفقدوني قال

    الجاهل للأمام علي كم شعره في راسي ؟؟؟ هذا احنا يا العرب اقل شي نتزاعل

    على شي ما يسوى ..

  41. محمد الميموني 29 مارس, 2013 / 4:42 م

    اكبر مول بقاله صنيتان الميموني في العالم تجتمع فيها جميع انواع الكائنات الحيه

  42. كويتي وكلي فخر 30 مايو, 2013 / 3:02 ص

    الناس تتكلم عن شي تكون شايفته وعارفته موتتكلم بالهوى ، اخواني الاماراتيين زوروا الافينيوز اول شي بعدين تعالوا تحجوا ، والاخ اللي يبي يوظف محمد ، ماعرف ان محمد كويتي وموبعازة احد ، خيرنا لنا ولغيرنا من عمر ، موعيال اليوم وامس ، فرجاءا قبل الطنازه تقصوا وشوفوا بعيونكم عشان لاتضحكون الناس عليكم ، لان الافينيوز اكبر من دبي مول وبفارق واضح وكبير وبدون الاستعانه بالارقام ، زياره وحده اكم للافينيوز تغنيكم عن الاحراج اللي حطيتوا نفسكم فيه ، وشكرا

  43. جنان 25 يونيو, 2013 / 1:01 م

    محد عاقل فيكم غير مجيد علي

  44. صلاح 3 نوفمبر, 2013 / 1:41 ص

    كلام محمد صحيح الأفنيوز أكبر من مول دبي. والمشكلة ليست بالأكبر لاكن بردود البعض فعلا هابطة وبلا أدب خاصة من بعض السعوديين فالموضوع أهل مكة أدري بشعابها أهل الأمارات والكويت أعرف بالأمور. عموما هناك مولات بالصين وأمريكا والفلبين وغيرها كبيرة جدا لاكن لاأعرف حجمها. والرجاء من البعض التأدب قبل الكتابة

  45. 5ald 21 أبريل, 2014 / 10:50 م

    الافنيوز اكبر واحدث واضخم مجمع .. واكيد اكبر من دبي مول والي ينكر اكيد مايعرف شي عنه مو نفس دبي مول چني داخل مومباي

  46. 5ald 21 أبريل, 2014 / 10:52 م

    وتحيه حق .. محمد

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *